這整整一個月，這時段竟然只在教煮野，而且不是甚麼法國菜、意大利菜的貨色...卻只是栗子炆雞、瑞士雞翼之流。單看以上形容，大家可以會覺得，有沒有攪錯...?
懶理道菜煮法有幾簡單，旁邊的妹妹有幾雞手鴨腳，一個蘇施黃的存在，就在「畫龍點睛」!現在媽媽晚晚推遲洗碗時間，就是為了看看她的節目，佢話:「見到蘇施黃好開心」喎!
一個蘇施黃，撐起整個節目，看見她那笑面，煮甚麼都好味一點。人出了名，其魅力、與名、利都會一條龍跟著來。(如果你知道蔡瀾寫一篇食評收幾錢的話，你就明白了。)或者，這可叫premium。
用5千多元，買一支MONT BLANC，並非因為它讓你「寫得一手好字」，同樣，用4萬多元買隻PANTERI，也絕非因為它「比較準確」。今天我們所買的，除了是物件本身，更重要的，可能是其品味、歷史意義、與內涵。
社會有幾文明，還看這城的人，如何看待PREMIUM 吧!
p.s. 如果我有錢買車，我一定會買Audi(最好TT系列啦)，唔揀Benz。
8 comments:
中心的嬸嬸日日午飯時也在談論阿So的節目和煮法, 昨天我們才講她的瑞士雞翼是否得, 本來我覺得阿So很嘈, 但聽得多嬸嬸如何形容, 我又真係想看下她如何攪笑K
蘇施黃教瑞士雞翼個集，最主要都係講支醬汁係邊度買(鵝頸橋鉅x?)，選好醬汁之後，就沒甚技巧喎。
算把啦!就算佢煮埋比你食, 你都唔好食,因為佢煮果啲野,全部都係高鹽,高糖,多油的.受不了.雖然,好食的東西都係唔健康嘅!吸引的不在於煮什麼,在她說什麼而已.
I totally agree with 呆呆. Apart from 多油,多糖& 多鹽, 佢實在有太多唔食, like fish, dessert, vegetable...試問一個熱衷於煮食人點會咁conservative, 完全無好奇心去試各類型食物, 佢識煮係因為佢個女傭識. 之前睇佢係cable做,佢煮完後叫其他人試,仲大大聲話'呢d我至憎食啦, 你試啦!' Oh what a good cook?! Well, her show somehow is entertaining, & her recipes ....just for reference only. I believe Stella 勁過佢九條街!
茂李
呆呆.你一向都推祟低鹽,低糖、高纖嫁啦.收到了。
茂李，睇黎，看蘇施黃，都是睇佢講野好d。要鑽研食的品味既話，還看蔡-san。
p.s.你好似已經識stella咁款喎，有機會使唔使介紹一下?
其實在社會學的角度裡，文化有分High Culture and Popular Culture,
High Culture就是你所謂的品味，是屬那些有較高文化資本(cultural capacity)的人所有的，這一層人不一定是有錢人，有錢人也未必有higher cultural capacity,他們多是知識份子或藝術家。
Popular Culture當然就是所謂大眾文化，也不必有高的文化資本才可獲得，大眾很容易吸收到的，e.g."蘇good"。
哈哈！有機會看看關於社會學的書，你會對於這個社會所發生的事，睇得更透徹。 Iris
iris,我常在這裡，東拉西扯、亂寫一通，都只不過是係想拋磚引玉，引起各方討論。妳回應，學術得來容易明，很好。多謝妳第一次留言。多多指教。
Post a Comment