焚化爐

需知道，我「荃灣焚化爐」並非浪得虛名。我可隨便地15分鐘內吞噬一包吉百利巧克力(家庭裝) + 卡樂B大薯片，之後再跟家人晚膳，照叫飯送，乳鴿啦、翠塘豆腐啦、通菜啦...面不改容，照食可也，當在家沒吃過任何東西似的(!)

同時，久不久，我又喜歡到慈雲山三記(打冷)、佐敦阿龍(咖哩)、旺角勝利小廚(海南雞)、筲箕灣安利(魚蛋粉)、跑馬地朱記(風沙雞)、北角鴻記小吃(芥辣雞腳!!)...朝聖! 以追尋「美而廉」的食府為已任。

我又喜歡相約三五知已，在飯檯上，聯絡感情，小肥羊、客家好棧、稻香，炒幾個巧手小菜，烚下烚下，飲下啤酒，閒話家常，不亦樂乎?

口腹之慾對我，實太重要。

唔俾我食、同唔俾Stella 講野一樣，會有生命危險。

因為生存的意義，消失了!

唯這些日子，因要戒口，要聽話。現在嘛...早上吃麵包、飲白開水、送藥食。午飯，煮點通粉 + 瘦肉白菜。晚上好一點，有蕃茄炒蛋+薯仔雞翼+湯水。

起初我以為，我的生命，要完了。但原來味蕾，會慢慢調節，現在嘛，開始慢慢習慣了。吃淡一點，感覺身體反而清一點。這，未嘗不是一件壞事。

這個焚化爐，因內部裝修，仍然會休廠一段日子。不過，復工有期，放心。